منتديـات الطالباب لاين

منتديـات الطالباب لاين

أول منتدى لقرية الطالباب
 
الرئيسيةالبوابةاليوميةالأعضاءالتسجيلدخول
اهلا وسهلا بكم في منتديات الطالباب

شاطر | 
 

 والله دا مشوكش حلاة شاكوش

اذهب الى الأسفل 
كاتب الموضوعرسالة
amir_ganawa
:: طالبابي مشارك ::
:: طالبابي مشارك ::


عدد المساهمات : 68
تاريخ التسجيل : 05/06/2009
العمر : 39
الموقع : University Putra Malaysia UPM - PhD Student
العمل/الترفيه : PhD of Software Engineering

مُساهمةموضوع: والله دا مشوكش حلاة شاكوش   الخميس أغسطس 20, 2009 7:39 am

لو قلت عنك بأنت قبيحة فقد كذبت أيتها الجميلة، لكنك وللأسف الشديد إنسانة انتهازية
باعتني لأول مشتري وبأبخس الأثمان.. هذا قدري وأنا أؤمن بالأقدار، ولولاها لما أحببتك،
فكما يقولون (الحب أعمى) وهذا ما حدث لي بالفعل، ولو كنت أملك أمر نفسي لما أحببتك
ولأحببت صديقتك هالة فهي تفوقك في كل شيء، في الخلقة والأخلاق، لكنني ماذا أفعل مع حظي
العاثر الذي رماني في امرأةٍ لا يوجد في قاموسها شيءٌ اسمه المشاعر والأحاسيس النبيلة.....
لكنكم لو تعرفون باعتني لمن لازداد كرهكم لها؟
باعتني لمغترب يكبرها بعشرين سنة يقال بأنه طيار.. ويعني شنو طيار؟ ما سواق طيارة زيو
وزي بقية السواقين الماليين البلد، لو كان بسوق طيارتو لمطار هيثرو أو غيرو يعني يفرق
شنو من السواقين البسافروا بورتسودان والأبيض ودنقلا؟ علي الأقل ديل بسافروا لمدن سودانية
نحبها ونحب ناسها.. وتانياً هو مغترب وين يعني؟ مغترب في فنزويلا ولا تركيا ولا كوبا ؟
ما مغترب ليهو في دولة أقامت علاقات تجارية مع إسرائيل.. يعني ممكن يكون شغال سواق طيارة
إسرائيلية وما بعيد يكون انضم لجمعية الصداقة السودانية الإسرائيلية بتاعة ناس تراجي مصطفى
البتكتب في منبر سودانيز أونلاين المنبر بتاع المعارضين بتاعين الضللة، البقى مسيطرين عليهو
الكيزان..
يعني شنو عريسك أب كرشة ده لو ساقك الخليج وعشت في الخير والنعيم؟ هل ممكن يحبك أكتر منّي؟
ما أظن.. عريسك أب صلعة الأشتر ده ما قادر يرقص معاك كويس، الموسيقى كانت في جيهة ورقيصو كان
في جيهة، عليك الله ده حاتتفاهمي وتتناغمي معاهو كيف؟ زول ما قادر يتناغم مع الأغنية معقول يتناغم
مع إنسانة شافها في بيت الجيران؟ عريسك ده قايلاهو لو طوّل خلاص، بعيش ليهو أكتر من خمسة أو ستة
سنوات؟
والله أنا خجلت من الفنان الجابو ليك في حفلتك.. فنان أشتر وما بعرف يغني، الحفلة كلها كانت عبارة
عن أغاني هابطة.. أغاني كلها أغاني جبجبة.. وأنا ما أظلم الفنان ربما يكون متضامن معاي وكان عاوز
يقول الليلة دي ما ليلة السقوط الأخلاقي وسقوط العهود والمواثيق بس، بل هي ليلة سقوط الفن السوداني
الأصيل.. وأنا في الأول نويت أخرب الحفلة لكين من لقيت فيها الفنان الأشتر ده قلت مافي داعي، الحفلة
براها خربانة وأحسن الناس تتفرج على ذوق العريس التعبان. عليك الله لو كان عندو ذرة من الذوق، كان
ممكن يرقص ويبشر ويسكسك سكسكتو الشتراء دي؟
وأمك البلباصة البتحب القروش كانت تزغرد كل دقيقتين ومستلمة الحفلة التقول حفلة عرسها، نست كل
القروش الأكلتني مني، القروش الكسبتهن بتعبي وعرق جبيني.. نست كان كل يومين تلاتة ترسل لي أخوك
الصغيّر القاعد يجي الطيش في المدرسة.. يجيني في كل مرة: قالت ليك أمي عاوزة ليها خمسين ألف..
قالت ليك أمي عاوزة لي مية ألف.. نست كل شيء.. نست الفواكه والسمك واللحمة والكوارع والباسطة
وعصير التانك الكنت بجيبها ليهم كل يومين تلاتة..
أما أبوك الجبهجي الضلالي ده فعندي معاهو حساب طويل عريض.. المنافق كان طوالي ينادي لي تعال يا
أيمن يا ولدي.. بالله في زول بشكوش ولدو؟ أنا كان ما سجمان أناسب لي زول كوز.. ديل انقلبوا علي
شيخهم ما بنقلبوا علي أنا المسكين! بس أنا بتمنى الحكومة دي تتقلب وأبوك ده يروح في ستين داهية ..
وإن شاء الله بركة الشيخ العليش كلكم يسوقوكم لاهاي، وأنا من هسه مع محكمة الجنايات الدولية قلباً
وقالباً.. إن شاء الله تطلّع روحكم يا مجرمين يا البتشوكشوا أبناء شعبكم.. وبعد كده نحن ما حا نسكت
على الظلم والتهميش.. وأقولها ليكم بالفم المليان.. حلايب مصرية.. ونحن مع حق تحرير مصير جنوب
السودان.. وبنتضامن مع كل حركات التحرر في العالم..
الناس قالوا أيمن ود عابدين حايبكي ويتأثر، لكين لما شافوني في الحفلة عرفوا إنو عابدين ولد ليهو
سبع.. لا بهموا شاكوش ولا بهموا ضياع القروش.. هيييع أنا أخوك يا رشا..
ونحن ناس أهلنا ربونا علي القناعة والصبر عند المصائب.. بس عندي كلمة للعريس إن شاء الله لما ترجع
الخليج تلقى روحك فنشوك بسبب الأزمة المالية العالمية.. يا سواق الطيارة يا متفلفس يا أبو نظارات..
وإنت يا العروس.. أنا ما بحقد عليك، لكين بتمنى من الله، أصلو ما تضوقي سعادة مع عريسك أب كرشة ده..
وفي النهاية بقول ليك إن شاء الله لما تكونوا مسافرين الخليج ما تلقوا حجز إلا في سودانير.. عشان
تلحقوا أمات طه..
الله أكبر عليكم.. يا أعداء الحب




ههههههههههههههههههه هههههههههههههههه
الحمد لله انا ما مريت بشاكوش زي دا ولا عرفت واحد حصل ليو كده

والكلام ليك يا المنطط عينيك (الطالبابي) ههههههههه

تحياتي
أمير غناوه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ملكة الطالباب
..:: مشرفة ::..
avatar

عدد المساهمات : 151
تاريخ التسجيل : 15/08/2009
العمر : 21
الموقع : google
العمل/الترفيه : الرسم والاشغال اليدوية

مُساهمةموضوع: رد: والله دا مشوكش حلاة شاكوش   الخميس أغسطس 20, 2009 6:37 pm

ههههههههههههههه

يسلمووو

ههههههههههههه

ههههههههههههههههههههههههههههههههههههههههههههههههههههههههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فيحاء الامين العبد
:: طالبابي جديد ::
:: طالبابي جديد ::


عدد المساهمات : 11
تاريخ التسجيل : 18/04/2011

مُساهمةموضوع: رد: والله دا مشوكش حلاة شاكوش   الإثنين أبريل 18, 2011 5:38 pm

والله ماتستاهل دي حال الدنيا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
والله دا مشوكش حلاة شاكوش
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديـات الطالباب لاين :: ~ :: { طالباب العام } :: ~ :: :: الراكــــوبة ::-
انتقل الى: