اسمعينا
أسمعينا وهدي بالك خايفة من ريدتنا مالك
وجينا نسأل عن عيونك ولسه منتظرين سؤالك
يوم تمري وما تسامحي وكل خطوة ريدة تزعل
يوم نشوف عينيك ضاحكة بمصير دنيتنا نقبل
يبقى جزاك جميل صبرنا صبرنا ليك ماأظنو اكمل
يبقى في عيونك املنا كل املنا يكون وصالك
إنت قاسية ولا ناسية ولابس ساكت عنيدة
لا إكن دايرة تسألي بحروف من ريد جديدة
ولا في ماضيك ذكرى خايفة من دنياك تعيدا
والحروف مادايرة تصدق دايرة تشغل ليك بالك
---------------------------------------------------------------------------------------------------------------------------------------------------------------
اللحظات الندية
في خاطري لحظاتنا الندية وإنت ساعة المغربية
قعدتك جمبي وعيونك سارحة في الدنيا السجية
خوفنا من زمن بودي للمسافات القصية
قصة الزول المفارق قلبو عشرة علي الوصية
كنت جد ناوي الرحيل ال شايل ذكرى منك
خفت في الغربة البعيدة المسافات إبعدنك
والعيون الشايلة سريتك بكرة إبكن وإفقدنك
والاماسي الحالمة تحزن والمشاوير إتعبنك
شفت كيف لما الشمس مدت نوافير الشعاع
والضفاف بعدت كتير والريح ملت جوف الشراع
بقيت هناك بقت الضفاف تتلاشى في زمن الضياع
وإنت ساعة المغربيه خايفة من كلمة وداع
----------------------------------------------------------------------------------------------------------------------------------------------------------------------------------
سافري
سافري تصحبك السلامة اني بستناك اكيد
السفر جفوة مواسم ولوعة للزول البريد
ســــــــــــــــــــــــــــــــــــافري
سافري انت وساهري بينا واحرمي الافراح تجينا
ابعد الاذى عن طريقنا وزيدي في الفرقة وسنينا
لوعة العشاق وشوقن سكنا جوانا وحزينا
ســـــــــــــــــــــــــــــــــــــــــافري
حقو تعرفي يوم رحيلك كنت بتألم وقاسي
قدري اقطع ليك تزاكر من سنين فرح الأماسي
واهدي ليك من عمري سكة هادية زي رقة حواسي
لسفن لوعة عيونك وبكرة توصلي للمراسي
ســـــــــــــــــــــــــــــــــــــــافري
---------------------------------------------------------------------------------------------------------------------------------------------------------------------------------
مالي والهوى
سالت عليهو لااتكلم لارد علي لاسلم
ظلمني وجاني اظلم سلاني وقال انا السالي
انا انا مالي والهوى
لكل جوارحي بهواهو بحب الدنيا لهواهو
افكر مرة انساهو واعيش من تاني امالي
ربيعي ودنيا ازهاري مجدي وحدتي وداري
شغلني ليلي ونهاري واصبح حالي غير حالي
مالي والهوى
------------------------------------------------------------------------------------------------------------------------------------------------------------------------------------
ادمنت ريدك
ادمنت ريدك عشقت ريد غيري ان شاءالله ماتتهنى
دعوة خالصة في ضميري
فاكر نفسك انت الدنيا وسعاة ياموهوم عواطفك
اعرف حواء ولادة ٍَِِِ
ما برجع ليك تاني زيد لي الإكادة خلاص خليتو ريدك
لبست عليهو حدادة
فاكر دربي لسه انا ساهل وهين عزراً ياحبيبي
عزراً ياحبيبي دي اوهام بتبين
دربي صعب وصولو واشواقو بتبين وقلبي الكان حنين
بقى صوفي مدين
ارحل يامدلل قلبي طافح كيلو ارحل قبلي تعرف
وتشوف نار ويلو
ماسمعت الحكمة الزمان وتحويلو ياغالي البفوت طيرو
بيحوض طير بديلو
موضوع: اجمل الاغان المكتوبة 
الأحد أغسطس 16, 2009 8:37 pm
