مسطول قال لصاحبه :
شنو ياخي الوالد مما اتوفى بقينا
ما بنشوفو ؟
.
في الحافلة فجأة شريط المسجل وقف
المسطول سأل الراكب جنبو: اسمع يا
أخي ود اللمين ده نزل ولاشنو؟
,
مسطول جاء داخل بيتهم
بالليل....ابوهو صحي بيه...وعمل
معاهو مشكلة وطردو
من البيت....وقفل الباب....قام
المسطول كتب علي الباب بي فحمة...
منزل الدكتور خليل ابراهيم
.
واحد رباطابى عندو غنماية خايف
عليها من العين عشان كدة داسيها
من الناس اقصد الجيران لكن بالرغم
من كدة فى واحد من الجيران شاف
الغنماية لكن ما اتكلم بعد فترة
الرباطابى قام اشترى ليهو بقرة
فرزيان
وطبعا كان خايف شديد وجا ماشى
براحة جنب الحيطة عشان الجيران
قام جارو الكان شاف الغنماية طلع
ليهو براحة وقال ليهو اسمع بعد جبت
الهيئة القومية دى ما تدينا
الجنليتر الجوة داك
.
واحد قام من نومه نص الليل على صوت
الجيران بيصرخوا
قالوا في تسمم في خزانات الموية
رجع البيت سألته زوجته
الحاصل شنو !!
قال ليها مافي حاجة .. إشربي ليك
مويـــة ونومي
.
.واحد قال لمرتو : مساكين بنات
لبنان دمرتهم الحروب .. والله لو كل
واحد يأخد واحده يكون اجرو كبير
قالت : والله المساكين بنات
الصومال تلقى اجرهم اعظم
مسطول جاتو فاتورة الموية مليون
قال اكيد الجماعة ديل كتبو مطرة
امبارح دي في حسابي
سكران رجع البيت متاخر
مرتو سالتو وين لي هسي !!
قال ليها كنت بلعب شطرنج
قالت ليهو شطرنج شنو وريحتك عرقي
قال ليها يعنى عاوزة ريحتي تكون
شطرنج !!
مسطول اشترى بي ام دبليو بمواصفات
خاصة
فيها الكمبيوتر يصلح كل شي
دقش الباب اليمين ،
فرد الكمبيوتر: يا أيها الباب ارجع كما
كنت
دقش الباب الشمال ، فرد الكمبيوتر
يا أيها الباب ارجع كما كنت
عجبته الحكاية قام طار بالعربية
من فوق الكوبري
فرد الكمبيوتر: يا أيتها النفس
المطمئنة ارجعي إلى ربك راضية
مرضية
.
مسطول خطيبته قالت ليه عندى انسان فى داخلى بحرك فى مشاعرى
قال ليها شنو اللغة الطويلة دى ماتقولى حامل وخلاص
أستاذ مسطول للطلبة :
طبعا اليوم درسنا عن الحمار والمفرض نجيب حمار الفصل هنا عشان نطبق عليهو الدرس
لكن بزيارة الموجه التربوى المفاجأة لينا قلنا مافى داى للحمار
مسطول اتشاكل مع امو جاب ليها كرتونة لبن قال ليها دا كل البيني بينك
دوما
أمير غناوه
موضوع: نكات سودانيه ميه الميه 
الجمعة مارس 05, 2010 7:22 pm
