منتديـات الطالباب لاين

منتديـات الطالباب لاين

أول منتدى لقرية الطالباب
 
الرئيسيةالبوابةاليوميةالأعضاءالتسجيلدخول
اهلا وسهلا بكم في منتديات الطالباب

شاطر | 
 

 حنة محاسن

اذهب الى الأسفل 
كاتب الموضوعرسالة
amir_ganawa
:: طالبابي مشارك ::
:: طالبابي مشارك ::


عدد المساهمات : 68
تاريخ التسجيل : 05/06/2009
العمر : 39
الموقع : University Putra Malaysia UPM - PhD Student
العمل/الترفيه : PhD of Software Engineering

مُساهمةموضوع: حنة محاسن   الأربعاء يوليو 29, 2009 12:09 am

لقيتو قاعد جنب باب الشقة حقتو جنبو أنبوبة غاز ... متفن في واطة الله ... سلمت عليهو إزيك يا أخينا مالك قاعد هنا ؟ عاين لي وهو ياشر بايدو علي الشقة وقال لي الشقة مقفولة وأنا ما عندي مفتاح المفتاح جوه أصلها محاسن قاعدة جوه لكنها متحننه وما دايره تقوم وتخرب حنتها قالت لي أنتظر لحدي ما الحنة تشيل وأخرتها وبعدين أجي أفتح ليك الباب......
أها أنا قاعد وراجي الحنة تشيل ...
لكن يا جني الحنة بشيل في كم ساعة ؟؟؟؟؟
عاينت ليهو وكلي شفقة علي هذا الزوج الأليف الوديع الذي أبدع الفكي بتاع محاسن في أن يخلق منو نعجة وقلت ليهو والله يا أخينا شيل الحنة ومدتو بتوقف علي عوامل كتيرة لكن أهمها نوع الحنة والمحلبية والصبغة .
إنتهيت من نضميني وشرحي الوافي عن العلاقة بين شيل الحنة والمدة الزمنية لذلك وعاينت ليهو ولقيت الهم عصف باين علي وشيشو وعلي وشك أن يزرف الدمع الثخين قال لي تعرف الحنة نمرة واحد جايانا مخصوص من الدامر والمحلبية أصلية ميسو محاسن ما قاعدة تستعمل الصبغة عندها حساسية الله يحفظها ويغطي عليها من عين الناس وبطن كرعين محاسن صلاتي علي النبي ما جضوم ليلي علوي وداخلات في سفنجة يعني بي نضمك دا حنتنا عشان تشيل دايرة ليها ثلاثة ساعات وأنا ماشي الشغل كيف الحل؟؟؟ قلت ليهو طيب يا أخي كلمها وخليها تفرتق الحنة وتقوم تفتح ليك الباب . عاين لي بإنزعاج وغضب ونهرني نهرة : يازول إنت ما نصيح ؟ داير حنتها تخرب وتطلع شينة والنسوان يقعدن يتقارصن ويتونسن بيها ؟ يا أخوي كلو شيء ولا زعل حسونتي دي إنشاء الله يرفدوني من الشغل بس هي حنتها تشيل وتطلع سمحة .
وإتلفت علي باب الشقة وقعد يكورك محاسن يا محاسن ما شالت؟؟؟ وجاء صوت من الداخل وكأنه صوت عسكري الحركة وبحدة شديدة قالت ليهو : يشيلك التمساح.. ما قنا ليك لسه كرهتني الحنة زاتها يا أخي . زولي هنا قعد يبلع في ريقو وضحك وعاين لي وقال: والله الله يهديها بس عصبية خلاص إلا طيبة طيبة والله وحنينة .
لملمت بعضي ونزلت ثلاثة عتبات إلا وأسمع ليك أخونا يغني ويدندن
الزول السمح فات الكبار والقدرو
كان شافوهو نوع دا كانوا يعزروا
وأنا متأكد إنو قاصدني أنا.


هههههههههههه وبتمنى من جميع الرجال ما يكونو زي راجل محاسن

أمير غناوه Razz Razz Razz
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الوليد عبدالرحيم شكري
..:: صاحب الموقع ::..
..:: صاحب الموقع ::..
avatar

عدد المساهمات : 124
تاريخ التسجيل : 28/05/2009

مُساهمةموضوع: رد: حنة محاسن   الخميس أغسطس 06, 2009 11:44 pm

ههههههههههههههههههه

والله حالتو مأساوية جدا والله


ان شاء الله ماتحصل عليك يا امير

وتسلم يا حبة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://talbab.yoo7.com
amir_ganawa
:: طالبابي مشارك ::
:: طالبابي مشارك ::


عدد المساهمات : 68
تاريخ التسجيل : 05/06/2009
العمر : 39
الموقع : University Putra Malaysia UPM - PhD Student
العمل/الترفيه : PhD of Software Engineering

مُساهمةموضوع: رد: حنة محاسن   السبت أغسطس 08, 2009 2:43 pm

[b]ههههههههههههههه

الله يستر علينا وصدق من قال ان كيدهن عظيم


تشكر يا ولي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
soma mustafa
:: طالبابي جديد ::
:: طالبابي جديد ::


عدد المساهمات : 12
تاريخ التسجيل : 07/07/2009

مُساهمةموضوع: رد: حنة محاسن   الجمعة أغسطس 14, 2009 6:34 am

ههههههههههههههههههههههه

والله لكن !!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
احلى طالبابية
..:: مشرفة ::..
avatar

الأوسمة :
عدد المساهمات : 235
تاريخ التسجيل : 15/08/2009
العمر : 21
الموقع : احلى طالبابية مقيمه في السعودية
العمل/الترفيه : الاشغال اليدويه

مُساهمةموضوع: رد: حنة محاسن   السبت أغسطس 15, 2009 3:42 pm

ههههههههههههههههههههههههههههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ملكة الطالباب
..:: مشرفة ::..
avatar

عدد المساهمات : 151
تاريخ التسجيل : 15/08/2009
العمر : 21
الموقع : google
العمل/الترفيه : الرسم والاشغال اليدوية

مُساهمةموضوع: رد: حنة محاسن   الأربعاء أغسطس 19, 2009 7:36 pm

هههههههههههههههههههههههههههههههههه

ههههههههههههههههههههههه
هههههههههههههههه
هههههههههه
هههههه
ههه
ه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حنة محاسن
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديـات الطالباب لاين :: ~ :: { طالباب العام } :: ~ :: :: الراكــــوبة ::-
انتقل الى: